Aminin natin kahit gaano ka ganda at ka ayos ang company na pinag-ta-trabahuhan mo, meron talagang tao (As in talaga) na makakapag-beast mode sayo at sisira ng araw mo. Katulad ngayon, sa oras na ito, sa mga sandaling ito… eto nanaman sya… pero kalma lang… imbes na ma-imbyerna, heto ang 10 tips para di ka mainis at kumulubot na parang prune dahil sa hinayupak na ka-trabaho mo.
1. Isipin mo na lang na sya ay iyong Ina (na menopause) or Kapatid (na blacksheep) or Kamag-anak (na may saltik). Di ba nga kahit gaano pa kalalala ang ugali ng mga taong related sa atin di natin sila kayang patulan kasi nga pamilya sila. Respeto. So ganito na lang isipin mo… pamilya sila (Buset!).
2. Pag binato ka ng bato gawin mong pang hilod. Ang magaspang na kahoy ay pinapakinis ng liha. May mga tao talagang nakaka irita, istorbo sa trabaho, epal ganyan… pero kahit gaano sila ka gaspang, isipin mong sila ang nagpapalabas ng kinang mo. When they attack you.. Shine! When they speak negative about you.. don’t fight back… just Shine!
3. Gawan mo sya ng tula (poem). Katulad nito:
Ikaw ang sili sa aking sawsawan
Ikaw ang alipunga sa aking talampakan
Ikaw ang singaw sa aking lalamunan
Ano pa? Kulang na lang ilagay ko ang iyong pangalan.
Tapos iprint mo sa A4 size paper tapos ipost mo sa CR (Joke lang). Pero puede mo din isulat sa post it sticker tapos ipost mo sa computer screen mo, tulad nito:
4. Alamin ang paborito nyang pagkain. Kainin mo ito sa harap nya… tignan lang natin kung di sya humingi, pero pag ang paborito nyang pagkain ay siling labuyo, skip mo na ang tip na ito, punta ka na sa tip number 5.
5. Pag sobrang nakaka-irita na sya at lumalagpas na sya sa boundary ng pasensya mo, ito tandaan mo… MAS MAGANDA KA. Oo ulit ulitin mo sa puso at isip mo. Huwag mong ibigay ni butil o alikabok ng ganda mo sa kanya. Imbes na bumaba ka sa level nya.. Rise above it. Lipad Darna lipad!
6. Kapag Umepal sya sa Boss mo at ikaw ang lumabas na may kasalanan.. wag mag wala at mangisay na parang bulateng hinagisan ng asin. Keep your posture. Sabi nga sa kasabihan, “Ang tumatakbo ng matulin pag matinik ay malalim”. Di ko alam kung anong konek pero di ba ang deep?
7. Itong number 7 ang pinaka gusto ko. Lagyan mo ng thumb tacks ang upuan nya! (Joke lang) Masama yun! Baka matanggal ka pa sa trabaho. Lagyan mo na lang ng langgam.. yung kulay pula ha hahaha (Joke lang ulit). Bubble gum na lang para di masakit… nguyain mo muna tapos ilagay mo sa upuan nya.
8. Pag timpla mo sya ng kape.. yung matapang.. ng kabahan naman sya. Wag mo kalimutan lagyang ng note…
9. Add mo sya sa Facebook. Tapos mag post ka ng mga quotes na patama sa kanya.
Ganyan… tapos lagyan mo pa ng hashtag na #lifeisbeautiful. Tapos after 11 days unfriend mo na sya. Sabihin mo na-hacked ang FB mo 🙂
10. And lastly, ang pinaka simple pero pinaka mahirap atang gawin: DEDMA. What is DEDMA?
Ito ay galing sa english word na “dead” at tagalog word na “malisya”. So pag samahin mo sila mabubuo ang word na DEDMA.
May nabasa ako na ang dedma is a healthy defense mechanism (somoso-sociology teh). Pero syempre may right time para gamitin ito at may time din na kailangan mong iconfront ang tao. Kumbaga, choose the battle that matters, kung sa tingin mo ay waste ng time makipag argue… then DEDMAhin mo na lang full stop.
